FAOI CHEILT

Heron is ea é, a deir tú,

ag síneadh méire

le taobh eile na habhann.


Ritheann sé liom

gur ainm é sin

nár chualas riamh

laethanta na hóige

san oirdheisceart.


Come quick!

See the coreesk!

a ghlaodh mo sheanmháthair.


Rithimis féachaint

tríd an bhfuinneog chúil

amach ar an riasc

mar a mbíodh sí ag faire

go haireach i measc luachra.


Bhí sí ann ceart go leor  –

an chorr réisc,

amhail an tseanteanga,

ar leathchois,

faoi cheilt, beagnach.


(Ré na n- Úll,  Coiscéim 2019)

Poems

Contact

Fill in the form below to contact me.

© Copyright - MARY O'BRIEN